Fréttir

Fjölskyldudagur Kyndils

posted May 31, 2012 9:23 AM by Íris Eva Einarsdóttir

Síðastliðna helgi var haldinn fjölskyldudagur Kyndils í húsnæði björgunarsveitarinnar að Völuteig. Þar var boðið uppá pyslur og börn gátu spreytt sig í hoppiköstulum og í kassaklifri. Tækjakostur sveitarinnar var einnig til sýnis.
Fjölmargir komu og áttu góðan dag í góðum félagsskap.

Fóru á hæsta tind Íslands

posted May 10, 2012 10:06 AM by Íris Eva Einarsdóttir [ updated May 10, 2012 10:13 AM ]

Síðastliðna helgi lagði 11 manna hópur úr Kyndli land undir fót og gengu upp á hæsta tind Íslands, Hvannadalshnjúk (2110 m.y.s.).

Gangan gekk að öllu leyti vel og tók rúma 11 tíma, bæði veður og færð voru þónokkuð góð og ekki laust við að göngumennirnir tóku lit í göngunni. Nokkrir hópar voru á ferðinni á sama tíma og hjálpuðu Kyndilsmenn þeim sem þurftu á aðstoð að halda.

Kyndilshópurinn var blandaður af fjallahóp og nýliðum sveitarinnar og gist var í skálum í Svínafelli þar sem grillað var eftir gönguna.

Hópurinn kom síðan heim á sunnudeginum reynslunni ríkari.

-Mynd: Marcin Kamienski

7 tinda hlaupið í fullum undirbúningi

posted May 1, 2012 6:59 AM by Íris Eva Einarsdóttir [ updated May 1, 2012 7:55 AM ]

Fjórða 7 tinda hlaupið verður haldið 9. júní næstkomandi og er undirbúningur í fullum gangi. Skátafélagið Mosverjar og Björgunarsveitin Kyndill Mosfellsbæ standa að þessu hlaupi og fór hópur úr Kyndli síðustu helgi að merkja hlaupaleiðina með GPS hnitum.
Boðið verður uppá að fólk getur skráð sig í mislangar hlaupaleiðir og einnig að fólk getur skráð sig í fjallgöngu.
Hægt er að lesa allt um hlaupið og skráð sig hér.

Landshlutafundur Landsbjargar 2012

posted Mar 23, 2012 6:46 AM by Íris Eva Einarsdóttir

Á morgun laugardaginn 24. mars boðar Slysafélagið Landsbjörg til Landshlutafundar. Fundurinn er opinn öllum fullgidum félagsmönnum eftir kl. 10.50 og verður hann haldinn í Flensborgarskóla í Hafnarfirði. Fundurinn í heild sinni verður haldinn á milli kl. 9.00 til 17.00 og getið þið nálgast dagskrána hér fyrir neðan og er skráning á innra svæði Landsbjargar.

Stjórn Landsbjargar og stjórnir eininga á svæði 1 og 2 byrja á því að funda á milli kl. 9.00 og 11.00 og kl. 10.50 byrjar kynning á innrasvæði félagsins ásamt heimasíðu fyrir alla félagsmenn. Um klukkan 11 byrja málstofur um ýmis mál þar sem öllum er velkomið að taka þátt og standa þær fram eftir degi.

Hvetjum alla sem hafa áhuga að skrá sig hér.

| Attachments: Dagskrá fundar á höfuðborgarsvæðinu 24. mars 2012.pdf

Árlega sveitarferðin í Hvanngil

posted Mar 15, 2012 9:50 AM by Íris Eva Einarsdóttir

Núna um helgina verður farið í hina árlegu ferð Kyndils í Hvanngil. Skráðir eru yfir 20 manns og verður farið á bílum, fjórhjólum og sleðum. Á laugardeginum verður tekin sameiginleg æfing allra tækja og sjúkrahóps. Góð veðurspá er fyrir helgina eða frost, snjókoma og gola.

Hvetjum alla þá sem eru að fara í þessa ferð að vera með góða skapið með sér og vonum að helgin verði bæði lærdómsrík og skemmtileg.

Tekið af www.yr.no

Nýliðaferð á Sólheimajökull

posted Mar 11, 2012 2:15 PM by Íris Eva Einarsdóttir

Hópur úr Kyndli fór í dag á Sólheimajökul í ísklifur. Þar var farið í grunnatriði ísklifurs og klifrað í kjölfarið. Rölt var svo að skoða íshella og fleira af þeim undrum sem jökullinn hafði uppá að bjóða. Hvasst var fyrripart dagsins en lægði síðdegis og engin úrkoma.

Þökkum alla sem voru í ferðinni fyrir skemmtilega ferð.

Sleðaæfing Kyndils 2012

posted Mar 5, 2012 8:39 AM by Íris Eva Einarsdóttir [ updated Mar 5, 2012 8:44 AM ]

Hin árlega sleðaæfing Kyndils var haldin núna um helgina 2. – 4. mars í Hvanngil og voru það rúmlega 30 sleðar sem tóku þátt í æfingunni víðsvegar af landinu. Þar á meðal frá Siglufirði, Kirkjubæjarklaustri, Vík og af öllu höfðuborgarsvæðinu.

Á laugardeginum var byrjað að fara í snjóflóðaleit og svo almennar keyrsluæfingar á vélsleða. Keyrt var svo niður að Álftarvatni, framhjá Skyggni í átt að Laufarfelli og yfir Markarfljót. Þaðan var svo farið í Hvanngil og kveikt í grillinu.

Á laugardagskvöldið kom þyrla Landhelgisgæslunnar GNÁ og farið var í að æfa móttöku þyrlunar í fjallendi í myrkri þar sem notast var við nætursjónaukann. Tveir menn voru svo hífðir upp í þyrluna í kjölfarið.

Á sunnudeginum var kynning á reitarkerfi og keyrt var svo upp að Torfajökul yfir í Strútslaug og Strútsskála, þaðan var svo giljarenningur yfir í Hvanngil.

Sérstakar þakkir fær Arnar Edvardsson fyrir að útbúa grillmat handa þátttakendum æfingarinnar og vill Kyndill þakka öllum þeim sem tóku þátt fyrir góða og skemmtilega æfingu og hlökkum til að sjá sem flesta aftur að ári liðnu.

Á leið í Hvangil

posted Mar 2, 2012 5:20 AM by Íris Eva Einarsdóttir

Sleðamenn Kyndils eru nú að gera sig klára til að leggja af stað í Hvangil í hina árlegu sleðaæfingu Kyndils.

Æfingin verður haldin núna um helgina, 2. - 4.mars 2012. Reiknað er með góðri mætingu en fleiri en 50 mans eru skráðir alls staðar að af landinu.

Skessuhorn klifið

posted Feb 19, 2012 11:47 AM by Íris Eva Einarsdóttir

Í gær, laugardaginn 18. febrúar fór 12 manna hópur úr Kyndli uppá Skessuhorn á Skarðsheiði. Gangan tók rúmar 7 klukkustundir og var þetta blandaður hópur sem samanstóð af félögum úr fjallaflokki, fjórhjólaflokki og nýliðum. Veðrið var gott allan tímann sem á göngunni stóð, eða rúmlega -10°C, 2 - 6 m/s og léttskýjað.
Þökkum öllum sem tóku þátt í göngunni fyrir frábæran dag.

Sleðaæfing með undanförum

posted Feb 16, 2012 11:31 AM by Íris Eva Einarsdóttir

Í gærkvöldi, 15. febrúar var haldin snjóflóðaæfing fyrir undanfara og sleðamenn á svæði 1. Æfingin var haldin austanmegin í Bláfjöllum og fóru alls 7 björgunarsveitarmenn frá Kyndli og þar af 6 sleðamenn á æfinguna.

Æfingin var sett upp þannig að 3 flóð féllu og 5 menn grafnir. Hún gekk mjög vel fyrir sig og reyndi hún mikið á stjórnun og skipulag björgunarsveitarmanna og notkun vélsleða við að flytja björgunarmenn og búnað á flóðasvæðin.

Þökkum undanförum HSSR fyrir góða æfingu.

Efnisyfirlit

Mynd augnabliksins

Næstu viðburðir

Kyndill

Viltu styrkja Kyndil