posted May 29, 2012 6:02 AM by Íris Eva Einarsdóttir
Björgunarsveitin Kyndill Mosfellbæ tók þátt í leitinni við Meðalfellsvatn síðdegis í gær. Leitað var að lettneskri konu sem saknað hefði
verið um tíma.
7 manna hópur fór frá Kyndli og voru fjórhjól og leitarhundur með í för. Rúmlega 100 björgunarsveitarmenn tóku þátt í leitinni m.a. göngumenn, fólk á fjórhjólum, kafarar, hundateymi og leitað var í vatninu á bátum og úr lofti á fisflugvél.
- Meðalfellsvatn |
posted Feb 26, 2012 12:24 PM by Íris Eva Einarsdóttir
Björgunarsveitir á höfuðborgarsvæðinu voru kallaðar út í dag, 26. febrúar vegna konu sem slasaðist á göngu sinni í Esjunni. Konan var að ganga á gömlu gönguleiðinni á Kerhólakambi fyrir ofan Esjuberg þegar hún féll og tognaði illa á fæti. Björgunarsveitarmenn frá Kyndli voru fyrstir á svæðið og komu henni fyrir í börur, gengið var svo með hana niður með aðstoð annara björgunarsveitarmanna. Þaðan fór hún svo á bráðamóttöku í frekari skoðun. Alls tóku um 15 - 20 björgunarsveitarmenn í aðgerðinni sem gekk vel fyrir sig.
|
posted Feb 5, 2012 10:09 AM by Íris Eva Einarsdóttir
Um tvö leytið í dag, 5. febrúar, kom útkall um vélsleðaslys í fjallshlíðum Esju og fór sleðaflokkur Kyndils á svæðið með fjóra sleða. Maðurinn sem slasaðist féll af sleðanum sínum og fékk við það höfuðhögg og áverka á bak og hálsi. Í tengslum við útkallið komu um 20 björgunarsveitarmenn að málum og Kyndill sá um vettvangsstjórn ásamt svæðisstjórninni. Þyrla Landhelgisgæslunnar var á æfingarflugi og var kölluð til, hún sótti slasaða manninn og flutti hann á Landspítalann í Fossvogi til nánari skoðunar. Aðgerðin gekk vel fyrir sig og aðstoðuðu björgunarsveitarmenn ferðafélaga hins slasaða til byggða.
Föstudaginn 3. febrúar fór Kyndill einnig í útkall og aðstoðaði fólk sem búið var að festa bílinn sinn við Stardal í átt að Tröllafossi. Aðgerðin þar gekk fljótt og vel fyrir sig og voru engin slys á fólki.  |
posted Jan 28, 2012 12:51 PM by Íris Eva Einarsdóttir
Mikið hefur verið að gera í aðstoðarbeiðnum hjá Kyndli undanfarna daga, eins og hjá fleirum björgunarsveitum um allt land. Mikill snjór, bylur og erfiðar aðstæður hafa valdið miklum erfiðleikum fyrir landsmenn að komast leiða sinnar. Kyndill aðstoðaði m.a. við lokun Reykjanesbrautar og lokun Hellisheiðar vegna veðurs. Nokkur óveðursútköll hafa verið sem staðið hafa yfir heilu næturnar. Fólki var aðstoðað við að losa bílana sína og komast klakklaust á aðfangastað. Þrátt fyrir erfiðar aðstæður hafa engin slys orðið á fólki. |
posted Nov 12, 2011 1:55 PM by Kyndill Mosfellsbæ
[
updated Nov 12, 2011 2:02 PM
]
Leitarhópar frá Kyndli hafa undnfarna daga tekið þátt í leitinni að Daniel Markus Hoij, sænskum ferðamanni sem leitað hefur verið síðan á miðvikudag. Neyðarlínu barst neyðarkall frá manninum seint á miðvikudagskvöld og taldi hann sig vera á jökli. Björgunarsveitir hafa leitað allan sólarhringinn við afar erfiðar aðstæður og veður hefur verið vont. Í dag fannst maðurinn látinn í sprungu í rúmlega 600 metra hæð í jöklinum. |
posted Jul 13, 2011 12:10 PM by Kyndill Mosfellsbæ
[
updated Jul 13, 2011 12:42 PM
]
Björgunarsveitir Landsbjargar leitðu í dag að erlendum ferðamanni sem villtist á Fimmvörðuhálsi. Kyndill sendi fjallabjörgumnarmenn, fjórhjólahóp og leitarhund á svæðið. Ferðamaðurinn fannst heill á húfi. Maðurinn var slasaður á hné og rammvilltur en var í sambandi við 112 frameftir degi þar til rafhlöður tæmdust í símanum.
|
posted Jun 21, 2011 11:53 AM by Guðbrandur Örn Arnarson
Fimm fjallabjörgunarmenn frá Kyndli tóku þátt í útkalli í Esjunni í dag þar sem tveir menn lentu í sjálfheldu í klettabelti milli Þverfellshorns og Gunnlaugsskarð. Voru mennirnir hífðir upp í Þyrlu Landhelgisgæslunnar og voru þeir orðnir nokkuð kaldir og hraktir enda blíðviðrið mest við sjávarmál en talsvert minna til fjalla. |
posted May 25, 2011 2:21 PM by Kyndill Mosfellsbæ
Miklar annir hafa verið hjá björgunarsveitum undanfarið og byrjaði maí mánuður hjá Kyndli með útkalli 9. maí þar sem leitað var að göngumanni í Esjunni sem hafði bæði villst og örmagnast. Maðurinn fannst eftir stutta leit þrekaður en að öðru leiti við góða heilsu. 12. maí var annað útkall í Esjuna þar sem aðstoða þurfti konu sem hafði slasast á gönguleiðinni upp að Þverfellshorni. Í dag var síðan allsherjarútkall vegna erlends ferðamanns sem var týndur á Sprengisandi. Sérhæfðir sleðamenn Kyndils lögðu af stað til leitar frá bækistöð okkar í Völuteig en útkallið var afturkallað þegar maðurinn fannst heill á húfi af þyrlu Landhelgisgæslunnar.
|
posted Feb 6, 2011 2:12 PM by Bent Helgason
Björgunarsveitin Kyndill var kölluð út um
sexleytið í dag til aðstoðar tveimur fjórhjólamönnum sem fest höfðu hjól
sitt í á rétt við Tröllafoss. Neðan við Stardal. Mennirnir þurftu að vaða í
land en áin er full af krapa og frekar djúp á þessum stað og voru þeir
því mjög kaldir og volkaðir og ákváðu að kalla eftir aðstoð.
Tveir hópar voru sendir á staðinn, hlúðu að mönnunum og
komu þeim í sjúkrabíl sem beið í Mosfellsdal. Það.tók björgunarmenn um 1 tíma að ná fjórhjólinu á land vegna krapa
|
posted Feb 2, 2011 3:21 AM by Bent Helgason
Leit í Sandgerði
Björgunarsveitir Slysavarnafélagsins
Landsbjargar á Suðurnesjum og af höfuðborgarsvæðinu leita nú manns sem
saknað er frá Sandgerði. Ekkert hefur spurst til mannsins frá því sl.
miðvikudag. Hann er á miðjum aldri, búsettur í Sandgerði en með erlent
ríkisfang. Í nótt leituðu fimm teymi björgunarsveitamanna með
leitarhunda á svæðinu en hundarnir ná bestum árangri þegar áreiti er
lítið frá umhverfinu. Sú leit bar lítinn árangur. Í morgun var síðan
hafin leit innanbæjar í Sandgerði og nánasta umhverfi þorpsins auk þess
sem kafarar leita í höfninni. Um 70 manns úr björgunarsveitum taka þátt
en gert er ráð fyrir að þeim fjölgi þegar líða tekur á daginn. Veðurspá
dagsins er óhagstæð, gert er ráð fyrir snjókomu eða slyddu á svæðinu og
miklum vindi eða 20-25 m/sek.Tekið frá SL
|
|
